Courses
Пасля пятага класа
9-11 English: Speak up summer classes
Запрашаю дзетак, якія скончылі пяты клас, акунуцца ў ангельскую мову летам.
Каб згадаць тое, што вучылі цягам году, і галоўнае - каб выкарыстаць гэтыя веды: нагаварыцца і нагуляцца па-ангельску.
Заняткі праходзяць анлайн (на платформе Zoom), два разы на тыдзень, па 60 хвілін, у кожнай групе - 4 чалавекі.
З 20 чэрвеня да 20 жніўня (18 сустрэч)
Кошт курса -120 долараў
Забраніраваць месца і задаць пытанні можна тут
9-11 English. Курс ангельскай мовы для пятага класа
Запрашаю дзетак 9-11 год прайсці праграму ангельскай мовы за 5 клас разам.
Заняткі праходзяць анлайн (на платформе Zoom), тры разы на тыдзень, па 45 хвілін, у кожнай групе - 4 чалавекі.
З 15 верасня да 15 траўня (90 сустрэч)
Кошт занятка - 7 долараў. Аплата за месяц наперад.
Забраніраваць месца і задаць пытанні можна тут
Vocabulary Boost
Гэта курс для тых, хто ўжо мае ўзровень Upper і вышэй, але хоча ўключыць у свой вакабуляр прыгожыя адценні.
10 сустрэч, на якіх мы ў мінімальных, але запамінальных кантэкстах сустрэнем, патрэніруем і паўжываем 200 новых слоў.
Savour, tedious and gruesome – праўда, гучыць знаёма? Але вось чамусьці карыстаемся мы больш простымі сінонімамі, enjoy, boring and horrible. Time to gear up.
Штодня маленькае паведамленне ад мяне з порцыяй новых слоў – каб нават тыя, хто не можа зрабіць хатняе заданне, не расцярушылі вакабулярны скарб за працоўны тыдзень.
Любімыя тэхнікі для запамінання - ад класіфікацый, крыку, шэпту да генерацыі галасоў у галаве і пісання пальцам па скуры) І, вядома, шмат магчымасцяў пагуляцца цягліцамі і пагаварыць новымі словамі.
Я праводжу кароткае сумоўе перад пачаткам - каб пераканацца, што Вы атрымаеце карысць ад заняткаў.
Кошт курса - 150 еўра. Перадаплата.
Consolidating Grammar
Гэта курс, разлічаны на тых, хто абнаружыў сябе пасярод узроўню Intermediate і хацеў бы больш яснасці ў граматыцы. Так бы мовіць - пабачыць лес за дрэвамі. Таксама карысным ён будзе тым, хто рыхтуецца да ЦТ - кансалідаваць вывучанае!
На 10 сустрэчах мы будзем углядацца ў Verb і перабіраць у руках ягоныя тыповыя пасткі. Разбярэмся і натрэніруемся разводзіць rise and raise, fell and felt, lay and laid, легалізуем ужыванне for па-за выпадкамі Perfect'а (I lived in Portugal for 6 months and then moved to Japan), паглядзім у вочы амаль усім Stative Verbs, а таксама рэдкім выпадкам прошлай формы няправільных дзеясловаў (хто сходу скажа прошлую форму для sneak away?) Урэшце, дадамо яшчэ адну добрую манеру - карыстацца the Future Continuous Tense - I'll be seeing him anyway!
Перад пачаткам будзе яшчэ кароткае сумоўе - каб пераканацца, што Вы атрымаеце карысць ад заняткаў.
Кошт курса - 150 еўра. Перадаплата.
Intellectual English
Лепшы спосаб выскачыць з плато Intermediate English – акунуцца ў прыгожую ангельскую і “заразіцца” зваротамі, структурамі, інтанацыяй, ідэямі ад харызматычных прамоўцаў… І няпроста наслухацца прыгожай ангельшчыны і папрацаваць з мовай інтэлектуалаў, але яшчэ і пагаварыць самім пра іх ідэі.
Так я прыдумала і ўжо выпрабавала курс “Intellectual English: сем пятнічных вечароў” – на якім прапаную паслухаць вельмі цікавых людзей і, паслухаўшы, паразважаць самім пра тыя няпростыя ідэі.
Напрыклад, следам за Alain de Botton паразважаць пра status anxiety. Альбо з інтэрвію John O’Donohue пра ўнутраны ландшафт прыгажосьці – намацаць шляхі to endure the bleakness of life! Stephen Fry, Barack Obama, Timothy Snyder, Christopher Hitchens, Margaret Atwood, Salman Rushdie. Я не гісторык ідэй і не настаўнік філасофіі, але мне здаецца, гэтыя людзі настолькі магутныя, што яны вучаць думаць, думаць па-ангельску і заражаюць сваім сінтэксам. Хочацца гуляцца з іх ідэямі, хочацца пераймаць цэлыя структуры і інтанацыі, хочацца прыўлашчыць іх словы і цэлыя сказы. А часам проста страшна цікава, што яны скажуць далей.
Адным словам, курс для тых, хто цікавіцца ідэямі і хто хоча набрыняць ангельшчынай ад гэтых цудоўных выступоўцаў.
Курс кароткі - сем пятнічных вечароў. Пачатак - 2 чэрвеня. Група - 3 чалавекі.
Кошт курса - 70 еўра. Перадаплата.
