Каб перайсці на новы ўзровень па ангельскай мове (з А1 на А2, з А2 на В1, і гэтак далей), звычайна трэба каля дзевяці месяцаў рэгулярна займацца гэтай мовай.

Я набіраю новыя групы ў верасні, па 4 чалавекі ў групе, і цягам году, сустракаючыся 2 разы на тыдзень, на платформе Zoom, вяду Вас да наступных вышыняў.

Калі Вы ўжо можаце сказаць “I’m going to the cinema tomorrow” і “She likes coffee”, але губляецеся, калі трэба патлумачыць, чаму Вы не пайшлі ў кіно ці калі гэтая кніга была напісаная — вам на A2! Тут Вы навучыцеся размаўляць пра мінулае, будучыню, свае планы і жаданні, а таксама весці простыя размовы ў кавярні, аптэцы ці на вакзале.

Калі Вы ўжо ведаеце ўсё пра будучыя формы (“will”, “going to”, “present continuous”), але не надта гатовыя гаварыць пра ўмоўныя сітуацыі (“If I had more time, I would travel”) — Вам на B1! Тут Вы навучыцеся апісваць падзеі, выказваць меркаванні, разважаць пра магчымасці і нават весці лёгкую дыскусію. Напрыклад, Вы зможаце сказаць: “I think people should read social media less” або “If I were you, I’d write a book.”

Калі Вы ўжо можаце падтрымліваць размову, але хочаце гаварыць больш дакладна, разумець нюансы і глыбіню мовы — Вам на B2! Тут мы будзем чытаць артыкулы, глядзець фільмы без субцітраў, пісаць эсэ і весці дыскусіі пра кіно і кнігі, гарады і падарожжы, палітыку, урады і навіны, а таксама каментаваць прычынна-выніковыя сувязі між імі ўсімі. І хочацца верыць, што ўдзельнікі гэтага курсу ўжо змогуць з правільнымі перфектнымі мадальнымі сказаць: I should have signed up for this course long ago!

Перад пачаткам заняткаў мы з Вамі стэлефануемся, каб вызначыць Ваш узровень і зразумець, які курс прынясе Вам найбольшую карысць!